AVVARÐANDIBÓLKAR

 

Nýggir avvarðandibólkar byrja í næstum

Nýggir avvarðandibólkar byrja í næstum, og sum nakað nýtt, víðka vit tilboðið og bjóða ein avvarðandibólk í Suðuroy.

Sinnisbati hevur síðan 2015 skipað fyri bólkum ætlaðum avvarðandi at fólki við sálarsjúku, og felagið bjóðar sum meginregla tveir til tríggjar avvarðandibólkar út árliga. Higartil hava vit bjóða sjey ymisk sløg av avvarðandibólkum út:

Bólk fyri børn millum 8-10 ár, “Time Out”-bólk fyri børn og ung millum 12 og 18 ár, ungdómsbólk fyri aldursbólkin 18-35, bólk fyri foreldur, bólk fyri makar, mannfólkabólk (í Tórshavn og Klaksvík) og blandaðan bólk.

Felags fyri avvarðandi kann vera, at tey eisini verða rakt, tá ein í familjuni gerst sjúkur. Familjustøðan broytist. Nógv kenna seg ørkymlaði, ráðaleys og máttleys. Tey eru møguliga ráðavill, í mun til, hvussu tey skulu handfara tann rakta, ávikavist tætta familju ella vinir.

 

Hvussu eru bólkarnir skipaðir?

Avvarðandibólkarn​i​r eru skipaðir á tann hátt, at 6-10 avvarðandi møtast eina ferð um vikuna átta ferðir. ​

Endamálið við bólkunum er m.a., at avvarðandi fáa møguleika at hitta onnur, sum eru í somu støðu, geva avvarðandi eitt frírúm, har tey kunnu hittast uttanfyri sjúkrahúsið og deila royndir, tankar og kenslur við onnur avvarðandi og á hendan hátt fáa orku, at halda áfram, at stuðla teirra kæra, ið er blivin raktur av sálarsjúku eitt skifti í lívinum, ella við jøvnum millumbilum.

Bólkarn​i​r verð​a​ stuðla​ðir​ av fakfólk​um​, sum hava serkun​n​leika innan økið. Hesi eru sálarfrøðingar, psykoterapeutar og í barna- og ungdómsbólkunum er eisini námsfrøðingur knýttur at.

Luttaka​​r​ar​nir og fakfólkini eru áløgd tagnarskyldu eftir galdandi reglum.

 

Bólkar byrja í Suðuroy og í Tórshavn

Leingi hevur verið ynskt, at víðka um tilboðið, soleiðis at avvarðandibólkarnir vera staðsettir kring landið, við tí fyri eyga at nøkta ein størri tørv. Tí fegnast vit um, at vit fyri fyrstu ferð hava møguleikan at bjóðað ein avvarðandibólk út í Suðuroy.

Bólkurin verður staðsettur á Tvøroyri, og tað er Linda Jepsen, sálarfrøðingur, sum kemur at leiða bólkin.

Linda Jepsen er løggildigur sálarfrøðingur við kliniskari viðgerðastovu á Argjum og á Tvøroyri, og hevur hon millum annað serkunnleika og royndir við avvarðandi. Bólkurin er ætlaður vaksnum, ið eru avvarðandi.

Bólkur fyri vaksin avvarðandi, verður eisini bjóðaður í Tórshavn. Bólkaleiðari verður Róa Midjord, gestalterapeutur, ið hevur nógvar ára royndir við avvarðandi og sum bólkaleiðari.

Bólkarnir eru til tín, ið er avvarðandi foreldur, maki, systkin ella vaksið barn at einum, ið hevur sálarsjúku og byrja eftir ætlanum síðst í oktobur 2021.

Ynskir tú at koma við í bólk​in​, kanst tú melda teg til umvegis skrásetingarskjali​ð​ á her.

Um tú hevur spurningar hesum viðvíkjandi, kanst tú ringja til Sinnisbata á tlf. 59 7913 ella skriva til okkum á sinnisbati@sinnisbati.fo.