Time Out

Avvarðandi bólkur fyri børn og ung, ið eru avvarðandi at fólki, ið hava sálarsjúku.

Tað er ikki altíð lætt at vera barn ella systkyn hjá einum, ið hevur sálarsjúku.

”Time Out” er eitt nýtt tilboð til børn og ung, sum eru avvarðandi at fólki, ið hava sálarsjúku. ”Time Out” er eitt “hvílirúm” hjá børnum og ungum, har tey fáa eitt stað, har tað ber til at tosa við onnur í líknandi støðum, og saman við stuðlandi fakfólkum. Tilboðið eitur “Time Out”, tí hetta er staðið, har tey ungu kunnu siga “time out” frá gerandisdegnum og slappa av, tosa um sjúkuna, sum tann, ið barnið ella tann ungið er avvarðandi at, hevur, og deila royndir. ”Time Out” er eisini heilt einfalt eitt stað, har tey luttakandi kunnu hava tað stuttligt saman og hugna sær.

”Time Out” er staðið har barnið og tann ungið kann koma og vera við í einum felagsskapi við fólki, sum vita júst hvussu tey kunnu hava tað, og har tað er pláss fyri at siga tað ein hevur brúk fyri, og hava teir kenslurnar, sum ein hevur.

Avvarðandibólkarn​i​r hjá Sinnisbata er​u​ bólkar, har umleið 6-10 avvarðandi møtast. Tilboðið ikki eitt viðgerða​r​tilboð. Bólkarn​i​r verð​a​ stuðla​ðir​ av tve​imum​ fakfólk​um​, sum hava serkun​n​leika innan økið. Luttaka​​r​ar​nir og fakfólkini eru áløgd tagnarskyldu eftir galdandi reglum.

Vit byrja við einum bólki aftaná summar fyri børn, ið eru avvarðandi at fólki, ið hava sálarsjúku (10-18 ár). Bólkarnar verða deildir upp eftir aldur. “Time out” er eitt slagav “hvílirúmi”. Eitt stað, har børn kunnu siga ”time out” frá tíðini heima, har tað kann kennast trupult at vera, tá ein er barn hjá ella systkin at einum, sum er sjúkur.

“Først til mølle-principp”. Tað kostar 300 kr. at luttaka (eru tað sysktin, so kostar bara tað eina barnið). Tað er bindandi at melda seg til.

Bólkur verður aftur: Senda fyrispurningur til sinnisbati@sinnisbati.fo.