SØGU FELAGSINS

BROT ÚR SØGU HJÁ SINNISBATA
10. mai 1982 var fyrireikandi fundur til stovnan av felagið, ið kundu virka fyri fólki við sálarheilsuavbjóðingum og fyri tey avvarðandi hjá fólki við sálarsjúku í Føroyum.

Úrslitið av fundinum var, at arbeiðisnevnd varð sett. Tey ið komu í arbeiðsnevndina vóru hesi: Berlina Hentze, Anna Olafsson, Katrin Dahl, Karin Margretha Joensen Næs og Eyðun Joensen.

24. mai sama ár var kallað saman til stovnandi aðalfund í skúlanum á Trøðni. Felagið fekk navnið Sinnisbati, eftir uppskotið frá Hans Birgir Hansen í Tórshavn.

Í fyrstu nevndina hjá Sinnisbata komu: Katrin Dahl, Berlina Hentze, Arne ludvig, Karin Margretha Joensen Næs.Nevndin skipaði seg ikki beinanveg. Katrin Dahl, Karin Margretha Joensen Næs og Arne Lugvig fingu litið upp í hendur at stjórna felagnum fyribyls. Men seinni sama ár var Karin Margretha Joensen Næs vald til forkvinnu og gjørdist hon sostatt fyrsta forkvinna felagsins.

Fyrsta nevndin var sera virkin og hevði nógvar fundir. Nógv uppskot og hugskot vóru. Í endamálsgreinini vóru hús og íbúðir og hóskandi arbeiði til fólk við sálarheilsuavbjóðingum raðfest frammaliga.

Eitt ið hevur eyðkent felagið, er tann breiði skarði av fólkið ið hava mannað nevndina eisini frá byrjan. Tað hava verið bæði heilsustarvsfólk, fólk frá psykiatriska deplinum, umframt avvarðandi vóru millum teirra ið stovnaðu felagið Sinnisbata. Hóast kortini ymiskar fortreytir ið øll hava havt, hevur endamálið verið tað sama. At bøta um korini hjá fólki við sálarsjúku. At nevndin hevur verið mannað við ymsikum fakfólki, avvarðandi og fólkið við sjúkuroyndum, hevur havt við sær, at arbeiði fevnir víða innan sálarheilsu í føroyskum høpi.

Karin Margretha Joensen Næs, fyrsta forkvinna í Sinnisbata