10. oktobur er altjóða sálarheilsudagur. Í ár varpar Sinnisbati ljós á sálarheilsu hjá ungum, og hvussu vit í felag kunnu skapa betri karmar fyri góðari sálarheilsu og trivnaði.
Hvat siga tey ungu sjálvi um sálarheilsu, og hvussu vit sum samfelag kunnu lofta? Monika Hjelm Joensen, ungdómsumboð, heldur røðu.
Vit fáa vitjan úr Íslandi. Eva Rós Ólafsdóttir, stjóri í Berginum í Íslandi, fer at greiða frá arbeiðinum hjá Berginum, og hvussu Bergið er við til at loysa avbjóðingar við mistrivnaði millum ung.
Umframt hetta, verður tónleikur við Annu Lovisu Mýri, ársins sálarheilsuvirðisløn verður handað og møguleiki at síggja nýggju hølini hjá komandi føroysku ungdómsráðgevingini.
Tiltakið verður í auluni í Finsen.
Skrá:
kl. 15.00: Anna Lovisa Mýri spælir nøkur løg
kl. 15.15: Súsanna Olsen, forkvinna, bjóðar vælkomin
kl. 15.25: Monika Hjelm Joensen, ungdómsumboð, heldur røðu
kl. 15.35: Framløga við Evu Rós Ólafsdóttir, stjóra í Bergið-Headspace í Íslandi
kl. 16.10: Margit Stórá, landsstýriskvinna, handar ársins sálarheilsuvirðisløn
Opið hús
Eftir tiltakið verður opið hús í nýggju hølunum, har Ungdómsráðgevingin hjá Sinnisbata fer at halda til. Møguleiki verður at síggja nýggju hølini, hitta leiðaran og fáa innlit í komandi tilboðið.
Navnið, samleikin og heimasíðan hjá ráðgevingini verður avdúkað.
Tiltakið er alment og ókeypis, og øll eru hjartaliga vælkomin