Týskvøldið 25. mars kl. 19.00 verður árligi aðalfundurin hjá Sinnisbata. Aðalfundurin verður hildin í Megd-húsinum á Íslandsvegi 10C.
Áðrenn aðalfundin verður áhugaverd framløga við Annu Tórunn á Stongum og Atimu Feodoru á Bø Olsen, sjúkrarøktarfrøðingar, við yvirskriftini “Vegurin til persónligt recovery”. Seinastu árini hevur eitt paradigmuskifti verið innan psykiatriska viðgerð, har recovery – at koma fyri seg, hevur vunnið fram. Anna Tórunn og Atima koma at leggja fram við støði í teirra bachelorritgerð, har tær hava kannað, hvussu sjúklingar við álvarsamari sálarsjúku uppliva persónligt recovery í einum lítlum samfelagi sum Føroyar.
Skrá:
19.00: Vælkomin
19.05: Vegurin til persónligt recovery – v/ Annu Tórunn á Stongum og Atimu Feodoru á Bø Olsen
19.30: Aðalfundur
Skrá er sambært viðtøkum felagsins:
– Val av orðstýrara
– Ársfrágreiðing forfólksins
– Framløga av granskoðaðum roknskapi fyri seinasta rakstrarár felagsins
– Møguligar lógarbroytingar
– Innkomin mál
– Limagjald fyri komandi ár
– Nevndarval
– Val av grannskoðara
– Ymiskt
Uppskot frá limum til aðalfundin skulu verða nevndini í hendi sjey dagar áðrenn aðalfundin.
Stilla upp í nevndina
Hevur tú hug at vera við í arbeiðinum at betra um korini hjá fólki við sálarsjúku og avvarðandi teirra, varpa ljós á sálarheilsu og skipa fyri tiltøkum og átøkum? Stilla so upp í nevndina hjá Sinnisbata.
Ynskir tú at stilla upp í nevndina og hevur spurningar hesum viðvíkjandi, ert tú vælkomin at venda tær til okkum á sinnisbati@sinnisbati.fo ella ringja á 597913.