time ouutt

Fyrsta Sálarheilsuvirðislønin verður handað á Altjóða Sálarheilsudegnum 10. oktober 2017

Fyri fyrstu ferð verður virðisløn handað einstaklingi ella felagi, sum hava gjørt arbeiði ella tiltøk, sum eru við til at varpa ljós á sálarheilsu, er sálarheilsu fremjandi ella bøtir um korini hjá fólki við sálarsjúku og/ella avvarðandi teirra.

Stórt arbeiði verður gjørt kring landið á hesum økinum hvønn dag, men vit hoyra tíanverri sjálvdan tær góðu søgurnar. Nógv fólk gera hvønn dag eitt stórt íkast, sum hevur uppiborðið at blíva heiðrað. Tí fer Sinnisbati fyri fyrstu ferð at handa ársins Sálarheilsuvirðisløn.

Øll kunnu tilnevna, hvør skal hava Sálarheilsuvirðislønina. ​Ein dómsnevnd ger síðani av​, hvør ​skal hava heiðurin av at fáa ​fyrstu Sálarheilsuvirðislønina, út frá innkomnu uppskotunum.

Virðislønin verður handað á Altjóða Sálarheilsudegnum, sum í ár verður hildin í Østrøm í Tórshavn tann 10. oktober 2017.

Uppskot kunnu sendast Sinnisbata á sinnisbati@sinnisbati.fo í seinasta lagi mikudagin 1. oktober.

time ouutt

Innbjóðing til norðurlendskan psykiatritoppfund fyri ung

Sunnudagin 19. november og mánadagin 20. november verður fyrsti norðurlenski psykiatritoppfundur fyri ung avhildin í Keypmannahavn. Tað er Det Sociale Netværk í Danmark, sum skipar fyri.

Endamálið til hendan ungdómstoppfundurin er, at styrkja samstarvið millum tey norðurlendsku londini á økinum, sum snýr seg um sálarliga heilsu hjá ungum. Á fundinum fáa ung úr norðurlondum møguleikan fyri at deila tankar og hugskot, umframt at menna politikk á økinum yvir tveir dagar. Tað er sera tydningarmikið at ung hoyrast í hesum kjakinum og deila teirra royndir, soleiðis at tey saman kunnu skapa loysnir og menning. Tíverri er tað soleiðis, at sálarligar avbjóðingar millum ung er ein vaksandi trupulleiki. Tað mugu vit gera okkara til at broyta. Sinnisbata sendir aðalskrivara felagsins, Laura Apol, sum hevur fingið persónliga innbjóðing. Harumframt skal Sinnisbati finna eitt annað ungdómsumboð, sum kann verða við at umboða Føroyar á fundinum. Hetta umboðið skal verða millum 15 og 30 ár. Hava tit eitt umboð, tit ynskja at senda avstað, so er at senda eina umsókn til sinnisbati@sinnisbati.fo áðrenn 10. oktober kl. 15:00, har viðkomandi, sum hevur hug og eldhuga innan øki, skrivar eitt sindur um seg sjálva/n.

Krøvini eru hesi:

  • Gjarna hava innlit í arbeiðsøkið í tínum landi; antin politiskt, sum avvarðandi ella sum fyrrverandi ella núverandi brúkari av psykiatriini
  • Tú skal hava áhuga innan arbeiðsøki
  • Vera millum 15-30 ár
  • Skriva eina umsókn á í mesta lagi 2400 tekn

Flogferðaseðlar og hotel frá sunnudagin til mánadagin verða goldið av Sinnisbata og Det Sociale Netværk. Viðkomandi verður útvald/ur av einari nevnd, sum er óheft av feløgunum. Spurningar kunnu sendast til laura.apol@sinnisbati.fo

Fyribils skrá kann downloadast her: DSN_A4_Nordisk-Ungetopmøde- program_aug17

time ouutt

Altjóða Sálarheilsudagur 2017

Altjóða Sálarheilsudagurin er eitt afturvendandi tiltak, sum í ár verður hildin í Öström í Tórshavn 10. oktober 2017.

Tónleikur, fyrilestrar, list og básar við kunning um stovnar, feløg og onnur, sum arbeiða innan økið, eru við á degnum.

Drekkamunnur og søtt til góman verður at fáa.
Tiltakið byrjar kl. 13, og tað er ókeypis. Øll eru vælkomin.

Upphiting til 10. oktober verður mánadagin 9. oktober 2017
Kl. 19:00: Ópið á psykiatriska deplinum:

Stað: P40, Eirargarður 17, Tórshavn

Kl. 19:30: Framløga v/ Ole Wich, myndlistafólk “Ljóð, litir og bati” (á donskum): Forskning viser at helse og helbredelse fremmes, når akustik og de visuelle miljøer på de psykatriske afdelinger forbedres. Foredraget om P40 handler om de overvejelser og forbedringer, der er foretaget gennem det sidste år og der vises billeder af renoveringen.

Stað: Eirargarður 19, Tórshavn

Týsdagin 10. oktober 2017

Kl. 13:00: Dyrnar lata upp á Öström.

Kl. 13:50: Róa Midjord, forkvinna í Sinnisbata bjóðar vælkomin.

Kl. 14:00: ”Hvat er ABC fyri sálarliga heilsu?”: Greitt verður frá hvat sálarlig heilsa er, og hvussu vit kunnu styrkja og røkja okkara sálarligu heilsu v/ Moniku Mohr, verkætlanarleiðari í Fólkaheilsuráðnum.

Kl. 14:30: Recovery spæla nøkur løg.

Kl. 14:45: Møguleikar á arbeiðsplássum fyri at rúma fólki við avbjóðingum v/ Jákup Mørk, fíggjarleiðari, Reyni Service, ársins rúmligi arbeiðsgevari 2017.

Kl. 15:15: Flóvin Viderø spælir nøkur løg.

Kl. 15:30: “Hvussu stóran part av sálarligari betran skyldast heilsuverkinum og psykiatriskum tilboðum – hvussu nógv skyldast øðrum faktorum so sum sosialt netverk og arbeiðsviðurskifti?“ v/ Suni Poulsen, sálarfrøðingur.

Kl. 16:00: ”Leitanin eftir at vera”: Gongdin at koma úr tunglyndi, at einki kunna, og síðani spakuliga arbeiða seg fram ímóti at virka í dagligdegnum og liva við sárinum v/ Katarinu Nolsøe.

Kl. 16:15: Døgg Nónsgjógv spælir nøkur løg

Kl. 16:30: Fountainhúsið, arbeiðsrættað tilboð til fólki við sosialum og sálarligum avbjóðingum: “Eitt virkið lív” – Sigursól Margrethardóttur sigur sína søgu.

Kl. 17:00: Steðgur + kaffi + básar.

Kl. 17:30: “Hví skal sálarheilsa á tímatalvuna?”

Ongantíð áður hava vit lagt størri dent á trivnað í skúlum og stovnum. Kortini økist parturin av børnum og ungum, sum hava sálarligar avbjóðingar. Í upplegginum víðkar Gitte um trivnaðarhugtakið og vísir á, hvat skúlar og stovnar skulu arbeiða miðvíst við fyri betra um sálarheilsuna hjá børnum og ungum og á hendan hátt fyribyrgja, at tey fáa sálarligar trupulleikar. v/ Gitte Klein, útbúgvin lærari og Master í Positivari sálarfrøði.

Kl. 18:00: Rebekka Petersen og Líggjas Olsen spæla nøkur løg.

Kl. 18:15: Ársins Sálarheilsuvirðisløn verður handað (Sinnisbati).

Kl. 20:00: Takk fyri hesuferð – síggjast í 2018!

Drekkamunnur og søtt til góman verður at fáa.

Tiltakið byrjar kl. 13, og tað er ókeypis. Øll eru vælkomin.

Feløg og stovnar, sum hava hug at hava ein bás hendan dagin, eru vælkomin at seta seg í samband við Lauru Apol, aðalskrivara í Sinnisbati við at ringja á 597913 ella við at skriva til laura.apol@sinnisbati.fo. At hava bás er ókeypis.

Sí eventið á Facebook her.