Tað kann vera ringt at siga frá, um ein hevur verið fyri harðskapi. Tað kann eisini vera, at vit ikki skilja ella vita, at tað, sum er hent, er ólógligt.
Eingin hevur rætt at fremja harðskap. Hvørki likamligan, sálarligan, kynsligan, fíggjarligan ella materiellan harðskap. Fólk, ið bera brek, skulu vera viðfarin við virðing og tey hava rætt til ta hjálp og tann stuðul, teimum tørvar.
Onkuntíð hava fólk tørv á “amboðum”, sum í hesum faldaranum, til at fáa greiðu á støðuni. Við myndum og einføldum spurningum ber til at fáa skil á, hvat ið veruliga er hent. Fyri tey, sum hava trupult við at siga frá, kann Hvat hendi? faldarin hjálpa til at fáa skil á spurningum og svarum. Faldarin skal nýtast, tá ið illgruni er um harðskap. Hvat hendi? faldaran um harðskap gjørdi Karin Torgny hjá Utvecklingscentrum Dubbelt Utsarr. Summar av myndunum í faldaranum vórðu gjørdar í samstarvi við svenska undirvísingartilfarsstovnin, SPSM. Meira upplýsingar um faldaran eru á heimasíðuni torgnytext.se.
Almannamálaráðið fíggjaði og samskipaði hesa útgávu.
Faldarin er at finna á hesum heimasíðum: AMR.fo, av.fo, javni.fo, sinnisbati.fo, kvinnuhusid.fo.
Til ber at heinta faldarin her: The booklet färöiska 201705