rætta (1)

Ties ihjel-bókaframløga v/Sondy Simonsen 3. september 2019

Tann 3. september kl. 19:30 verður bókaframløgu við Sondy Simonsen.

Sondy kemur úr Klaksvík, og fer at greiða frá sínum lívi har hon millum annað upplivdi at blíva kynsliga misnýtt. Har afturat greiðir hon frá, hvussu hon sum vaksin bleiv diagnostiserað við trimum sálarsjúkum.

Hóast Sondy hevur livað eitt lív við upp- og niðurtúrum, greiðir hon frá, hvussu tað hevur eydnast henni at blíva frísk aftur, og liva eitt vanligt lív, við øllum tí tað hevur við sær.

Í 2017 vann Sondy Simonsen SIND-virðislønina frá SIND Fyn í Danmark, ið verður givin fyri serlig avrik innan sálarliga heilsu.

Sondy hevur skriva bók, um tað hon hevur upplivað í lívið sínum, og heldur fyrilestur um nýggju bók sína “Ties ihjel” í Tórshavn tann 3. septemer kl. 19:30. Høli verður upplýst seinni.

Drekkamunnur verður at fáa, og til ber somuleiðis at onga sær bókina og fáa eitt prát við Sondy.

Tiltakið er ókeypis, og øll eru vælkomin.

rætta (1)

Valtiltak um sálarheilsuøkið 23. august kl. 20 2019

Fríggjakvøldið tann 23. august kl. 20 verða politisku flokkarnir, valevnir og onnur áhugaði, bjóða til valtiltak um sálarheilsuøkið í Føroyum.

Tiltakið verður í Smæruna, J. H. Schrøtersgøta 7 í Tórshavn.

Fakligt upplegg verður við Tóru Petersen, sálarfrøðing og granskara, sum fer at hugleiða um sálarheilsuøkið, sálarsjúkur og støðuna í Føroyum í dag og í framtíðina.

Pallborðsfundur verður við umboðum hjá teimum politisku flokkunum, um hvussu politiska skipanin vil menna og útbýggja psykiatriina, tey fyribyrgjandi tilboðini og tryggja útgreining og viðgerð. Liljan Weihe verður orðstýrari. Liljan Weihe verður orðstýrari.

Í samband við valið hevur Sinnisbati orðað eina valskrá við ynskjum til hvussu korini á sálarheilsuøkinum kunnu betrast og tilboð mennast.

Tað ber til at lesa valskránna hjá Sinnisbata her á heimasíðuna
Valskrá

rætta (1)

SUMMARFERIA!

Góðu limir og samstarvsfelagar!
Sinnisbati er farin í summarferiu fram til 15. august, MEN um átrokandi boð eru, ber til at ringja til okkum á 597913! Til ber eisini at senda teldupost til sinnisbati@sinnisbati.fo. So svara vit skjótast til ber!

Vit vóna tit øll fáa eina góða summarferiu við øllum góðum – og ikki minst við nógvari sól! 🙂

rætta (1)

Ráðstevnan “Lívið tætt at sálarsjúku”

Ráðstevna um at vera avvarðandi at fólki við sálarsjúku

Hvussu er at vera barn, tá foreldur hava svára sálarsjúku? Á hvønn hátt rakar sálarsjúka tey, ið eru rundanum? Broytast parlag og kynslív, tá ein hevur sálarsjúku? Hvørjari hjálp hava avvarðandi tørv á?

Hetta eru nakrir av spurningunum, vit fáa greiðu á mikudagin 13. mars, tá Sinnibati bjóðar øllum áhugaðum á ráðstevnuna Lívið tætt at sálarsjúku. Saman við avvarðandi og fakfólki fer Sinnisbati at umrøða tað at hava sálarsjúku heilt tætt at lívinum.

Í fleiri ár hevur Sinnisbati arbeitt við avvarðandi, og vit mugu staðfesta, at tað er tørvur á at seta enn meira fokus á hendan bólkin. Í Sinnisbata halda vit, at vit øll eiga at vita, hvat tað ber í sær at vera avvarðandi og hvørjum avbjóðingum avvarðandi møta. Eisini eiga vit at spyrja, hvørjum avvarðandi hava tørv á.

Millum luttakararnar verður Kristianna Dam, sum fyri kortum vardi Ph.D.-ritgerð sína um, hvussu tað er at vera barn í Føroyum, tá foreldrini eru rakt av svárari sálarligari sjúku. Eisini verður samrøða við Hans Arna Olsen, Magna Højgaard og Hans Tórgarð, sum allir eru avvarðandi makar, um, hvussu sálarsjúkan hjá konuni rakti teir.

Ráðstevnan verður í Norðurlandahúsinum mikudagin 13. mars kl. 13-17. Ráðstevnan er ókeypis, men neyðugt er at tekna seg her

 

rætta (1)

Sinnisbati hevur opið hús ólavsøkuaftan

Fyri fyrstu ferð letur Sinnisbati dyrnar upp á ólavsøku. Tað verður ólavsøkuaftan frá kl. 14-18 í hølunum hjá felagnum á Laðabrekku 1 í Tórshavn.

Vit fara at selja kaffi, te, køku og vaflur.

Eisini ber tað til, hjá børnum, at mála sítt egna ólavsøku flagg.

Harumframt verður tað møguligt at keypa lutaseðlar fyri 25 kr. pr. stk. Vit ganga runt í Havn og selja lutaseðlar og inni hjá okkum. Nógvar góðar vinningar eru!

Allur stuðul fer beinleiðis til Sinnisbata, sum arbeiðir fyri at bøta um korini hjá fólki við sálarsjúku og avvarðandi teirra.

Øll eru hjartaliga vælkomin!

Góða ólavsøku!

 

rætta (1)

Altjóða Sálarheilsudagur 2018

Aftur í ár verður skipað fyri Altjóða Sálarheilsudagin 10. oktober.

Set kross í kalendaran 10. oktober til ein spennandi dagur har sálarheilsa verður í miðdeplinum!

Skrá verður lýst seinni 🙂

Tiltakið verður í Østrøm í Tórshavn 10. oktober kl. 13 til 18.

rætta (1)

Kaféhugni á ólavsøku

Ólavsøkaaftan tann 28. juli frá klokkan 14 til 18, skipar Sinnisbati fyri kafé í hølinum á Laðabrekku 1 í Tórshavn.

Vit selja kaffi, te, køku og vaflur.

Eisini ber tað til, hjá børnum, at mála sítt egna ólavsøku flagg.

Somuleiðis ber til at keypa “vesi”-armband, sum er galdandi frá klokkan 14-18.
Tað verður hugnaligasta vesi-køin í Havn 😀

Allur stuðul fer beinleiðis til Sinnisbata, sum arbeiðir fyri at bøta um korini hjá fólki við sálarsjúku og avvarðandi teirra.

 

 

VIT SELJA LUTASEÐLAR Á ÓLAVSØKU! 😀

Vit ganga runt í Havn og selja lutaseðlar á ólavsøku. Prísurin er 25 kr. pr. stk.

Nógvar góðar vinningar eru!

Nøkur av teimum, ið hava valt at stuðla, eru m.a.:

– Rib62
– Umami
– Eta
– Gómagott
– Silvursnið
– Trin27
– Norðlýsið sightseeing
– Suðringurin
– Útilív
– Irish Pub
– Hvonn
– The Tarv
– Frumbiti
– Café MorMor
– Árstíðirnar
– Conrad
– Akkuleya
– Javnvág v/Mariannu Simonsen
– Køtlum
– Jógvan Weihe
– Niels L. Arge
– Mia H. Smith stuðlar við einum málningi

Tá tú hevur keypt lutaseðlar frá Sinnisbata, stuðlar tú einum góðum endamálið.

Stuðulin fer óskerdur til arbeiðið hjá felagnum, sum arbeiðir fyri at bøta um korini hjá fólki við sálarsjúku og avvarðandi teirra.

HEVUR TÚ VUNNIÐ?
Á ólavsøku kanst tú á heimasíðu felagsins www.sinnisbati.fo kanna, um tú hevur vunnið 🙂

rætta (1)

Loppumarknaður í Sinnisbata, 24. mars 2018

Loppumarknaður verður í Sinnisbata 24. mars kl. 10-14 í hølunum hjá felagnum, Laðabrekka 1 í Tórshavn, omanfyri handlinum Hennara, beint við Café Natúr.

Í ár verður savnað inn til avvarðandiarbeiðið hjá Sinnisbata. Vit hava seinasta árini skipað fyri avvarðandibólkum fyri vaksin, børn og ung, og hetta arbeiðið/tilboðið ynskja vit at víðka.

Kom oman við lutum!

Hevur tú loppur, tú hevur hug at lata til endamálið, so ber til hjá tær at koma oman í Sinnisbata við lutum mikukvøldið 21. mars og hóskvøldið 22. mars millum kl. 17-19. Vinarliga boða frá áðrenn á telefon 597913 ella á sinnisbati@sinnisbati.fo, har tú sigur frá, hvat fyri lutir, tú hevur hug at lata til endamálið.

Tombola, og kaffi og køkusøla verður.

GG! Vinarliga hav við reiðan peningi! Allir pengar fara óskerdir til avvarðandiarbeiðið hjá felagnum!

rætta (1)

Tá mamma verður ør – Kafékvøld í Sinnisbata um at vera avvarðandi barn at foreldrum við sálarsjúku

Mánakvøldið 12. mars kl. 19:30-21:30 verður aftur kafékvøld í Sinnisbata. Hesa ferðina viðgera vit evnið at vera avvarðandi barn at foreldrum við sálarsjúku.

Kristianna Dam, sum er sjúkrarøktarfrøðingur, námslektari á Sjúkrarøktarfrøðideildini og ph.d.-lesandi, kemur at greiða frá síni nýggju gransking um at vaksa upp við foreldrum við álvarsamari sálarsjúku. Eisini fer hon at siga sína hugsan um týdningin av, at tosað verður tíðliga við børn um sálarsjúkur, nú barnabókin sum Sprotin hevur givið út, ”Tá mamma verður ør” júst er komin út um sama evni.

Eisini Dagmar Clothier, sum er námsfrøðingur og bólkaleiðari í Time Out, avvarðandi bólkur fyri ung, í Sinnisbata, kemur at greiða frá arbeiðnum við børnum og ungum, sum eru avvarðandi, og tankarnar tey hava, og týdningin av, at tilfar er til taks, sum viðgerð eitt slíkt evni.

Høvi verður til spurningar og kjak.

Kaffimunnur og kaka verður at fáa.

Bókin ”Tá mamma verður ør” verður til keyps til serprís hetta kvøldið – einans 100 kr. Alt yvirskotið av søluni fer óskert til Sinnisbata og avvarðandiarbeiðið.

Øll eru vælkomin!