Kategori: Tiltøk

Sinnisbati skipar fyri fyrilestri á Klaksvíkar bókasavni hóskvøldið 7. januar kl. 19.30

Sondy Simonsen, ið er 34 ára gomul og búsitandi í Danmark, kemur at greiða frá lívið sínum sum sálarliga sjúk. Hon livir dagliga vid angist, post traumatisk stress syndrom (PTSD) og OCD – tvangstankum, sum hon fekk staðfest fyri trimum árum sídani.

Endamálið við fyrilestrinum er at varpa ljós á sálarliga sjúku, og hetta fer Sondy at gera við at greiða okkum frá sjúkunum, og hvørja ávirkan tær hava havt á gerandisdag hennara tey seinastu trý árini.

Japanski Taisei Yamamoto, við PhD í fysioterapi, kemur á vitjan mikukvøldið!

Mikukvøldið 16. desember verður fyrilestur við japanska PhD fysioterapeutinum, Taisei Yamamoto, sum hevur granskað í, hvussu Basic Body Awareness Therapy (BBAT) ávirkar fólk við skizofreni. Taisei Yamamoto er lektari á Universitetinum í Kobe, Japan, og vitjar í Føroyum.

Heitið á fyrilestrinum er “Sense of Self and Movement Awareness”- within schizophrenia.

Tiltakið verður í hølinum hjá Sinnisbata, Laðabrekka 1 í Tórshavn, 16. desember kl. 19-21.

Møtið fjølment!

Fyrilestur verður hóskvøldið tann 21. mai, kl. 19:00 til 21:00, á Laðabrekku 1, í Tórshavn.
Tað verða Jórun Simonsen og Lív Egholm, fysioteraputar, sum koma at halda fyrilesturin. Stutt at lesa um evnið: ”Basic Body Awareness Therapy ( BBAT) er ein fysioterapeutiskur viðgerðarháttur, sum hevur verið nýttur tey seinastu 30 árini, viðgerðarhátturin verður brúktur til fólk við sálarligum heilsu trupulleikum og øðrum vødda sjúkum. Seinastu 6 árini hevur BBAT verið ein partur av viðgerðartilboðnum á fysioterapideildini á Psykiatriska deplinum í LS. B BAT er ein viðgerðarháttur, ið er samansettur av vanligum gerandis rørslum sum vera gjørdar í róligum tempo. Hetta gevur tær møguleika at gerast tilvitað/ur um kroppin og hvussu hann virkar. BBAT økir um rørslukvalitetin, sum er grundaður á MQM (Movement Quality Model), og inniheldur 4 dimensiónir: 1. Biomekanisk / 2. Fysiologisk / 3. Psyko-socio-kulturel / 4. Existensiel – nærvera. BBAT viðgerðin er vend ímóti likamligari sjálvkenslu og setur gongd í kropsliga tilfeingið. Likamliga sjálvkenslan sum rúmar tilvitaðar / ótilvitaðar og verbalar / nonverbalar partar. Likamliga sjálvkenslan er partur av samleikafatanini hjá menniskjanum. Hon rúmar ta uppliving og fatan ein hevur um seg sjálvan og hvat hansara/hennara kroppur megnar. Við BBAT rørslum økist og styrkist; kropsliga javnvágin, fríi andadrátturin og nærvera í dagligdegnum.” The very basis of the work – the very core of the work, is that everything we do can come always new. (Citat: Charlotte Selver) Felagið bjóðar øllum hjartaliga vælkomnum, at lurta eftir hesum spennandi fyrilestri. Tiltakið er ókeypis! -Sinnisbati

Sinnisbati skipar fyri almennum fyrilestri við kenda professaranum Lars Qvortrup frá Aalborg Universiteti. Heiti á fyrilestrinum er: ”Sammenhæng imellem trivsel i daginstitution og skole og mental sundhed blandt børn fra 3 – 15 år – inklusion, læring og udvikling…” Øll eru vælkomin og tiltakið er ókeypis! Nevndin

Lars Qvortrup, ið er professari á deildini fyri Læring og Heimsspeki á Aalborg Universitet, greiðir frá um trivnaðin hjá børnum á stovni og í skúla, og í hvønn mun hetta kann setast í samband við, ella ávirka sálarheilsu teirra. Lars Qvortrup kemur við útgangsstøði í aktuellum granskingarúrslitum at greiða frá hvat er myta og fakta í hesum høpi. Í løtuni er Lars Qvortrup m.a. projektleiðari á stóru granskingarverkætlani: “Udvikling i fællesskaber 2013-2016” ið hevur fokus á samstarv ímillum skúla og dagstovn, umframt inklusjón. Eisini stendur Lars Qvortrup fyri vælumtóktu útbúgvingini “Master i Pædagogisk Ledelse” (MPL) Lars Qvortrup er eisini kendur fyri gransking, greining og hugleiðingar sínar um tað hann nevnir fyri Lærandi Samfelag og er hugfangaður av fyribrigdinum at heimurin alsamt verður meira og meira torgreiddur, serliga vegna vaksandi tíðindastreymin og kunningartøknina. Qvortrup er upphavsmaður til hugtakið “Hyperkompleksa samfelagið” Nakrar av nýggjastu útgávum hansara eru: Den myndige lærer (2012) Det lærende samfund – hyperkompleksitet og viden (2012)

Áhugafelagsskapurin Sinnisbati skipar fyri aktuellum og viðkomandi fakfyrilestri, við professara Lars Qvortrup frá Aalborg Universitet. Fyrilesturin verður í Læraraskúlahøllini á Frælsinum, fríggjadagin tann 10.apríl frá kl. 10-12. Heiti á fyrilestrinum er: ”Sammenhæng imellem trivsel i daginstitution og skole og mental sundhed blandt børn fra 3 – 15 år – inklusion, læring og udvikling…” Øll eru vælkomin og tiltakið er ókeypis!

Lars Qvortrup, ið er professari á deildini fyri Læring og Heimsspeki á Aalborg Universitet, greiðir frá um trivnaðin hjá børnum á stovni og í skúla, og í hvønn mun hetta kann setast í samband við, ella ávirka sálarheilsu teirra. Lars Qvortrup kemur við útgangsstøði í aktuellum granskingarúrslitum at greiða frá hvat er myta og fakta í hesum høpi. Í løtuni er Lars Qvortrup m.a. projektleiðari á stóru granskingarverkætlani: “Udvikling i fællesskaber 2013-2016” ið hevur fokus á samstarv ímillum skúla og dagstovn, umframt inklusjón. Eisini stendur Lars Qvortrup fyri vælumtóktu útbúgvingini “Master i Pædagogisk Ledelse” (MPL) Lars Qvortrup er eisini kendur fyri gransking, greining og hugleiðingar sínar um tað hann nevnir fyri Lærandi Samfelag og er hugfangaður av fyribrigdinum at heimurin alsamt verður meira og meira torgreiddur, serliga vegna vaksandi tíðindastreymin og kunningartøknina. Qvortrup er upphavsmaður til hugtakið “Hyperkompleksa samfelagið” Nakrar av nýggjastu útgávum hansara eru: Den myndige lærer (2012) Det lærende samfund – hyperkompleksitet og viden (2012)

Almennur fyrilestur um “Sálarheilsu – zoneterapi og yoga” verður hóskvøldi 26.03.15 kl. 19.00 hjá Sinnisbata. Marianna Vang Simonsen, ergoterapeutur, zoneterapeutur og yogalærari fer at greiða frá, hví tað kann vera áhugavert at tosað um zoneterapi og yoga í mun til sálarheilsu.

Fyrilesturin byggir á hennara upplivingar og royndir gjøgnum arbeiði við amboðum úr yoga og zoneterapi, og tí gagnliga hon sær og hoyrir menniskju fáa burturúr, tá dentur verður lagdur á sálarheilsu. Samfelagið í dag har avrik, effektivitetur, eftirlit, og tað útatrættaða verður virðismett sera høgt, koma vit í summum førum at brúka meira orku, enn vit savna inn. Hetta kann hava við sær sera negativar avleiðingar fyri sálarheilsuna og kroppin sum heild. Tú kann koma at føla teg læstan fastan og missa sambandið við andadrátt, kropp, tína rútmu og tín tørv. Fyri at vera í fullum blóma er neyðugt eisini at savna og uppbyggja orku, m.a. gjøgnum njótilsi, at steðga á, fáa djúpa hvíld og góðan svøvn. Zoneterapi og yoga kunnu vera ein góð mótvekt til rákið og kunnu geva nøkur týdningarmikil amboð til aftur at koma í samband við andadrátt, kropp, egna rútmu og djúpa hvíld. Her snýr tað seg ikki um at brúka orku, men meira um at leysgeva bundna orku og byggja uppaftur orku í kroppinum. Tað kann nærmast síggjast sum ein kanningarfer, har tú lærir at arbeiða við kroppinum og ikki ímóti honum. Tú økir tína tilvitan og styrkist sum heild, fyri betur at kunna møta gleði og avbjóðingum í lívinum. Høvið verður at seta spurningar aftaná fyrilesturin. Marianna Vang Simonsen hevur í fleiri ár arbeitt m.a. á Psykiatriska deplinum og arbeiðir í dag við yoga, zoneterapi og ergonomi í egnari fyritøku “Javnvág”. Fyrilesturin verður á Laðabrekku 1, Tórshavn – við Áarvegin, á fyrstu hædd, har handilin “Hennara” heldur til. Tiltakið er ókeypis, og øll eru hjartaliga vælkomin.

Áhugaverdur, aktuellur og viðkomandi fyrilestur, fyri fakfólki, verður í Læraraskúlahøllini á Frælsinum, fríggjadagin 27. februar frá kl. 10:00 – 12:00. Kendi professarin og menningarsálarfrøðingurin Dion Sommer, frá Psykologisk Institut á Århus Universiteti er í Føroyum, og í hesum sambandi heldur hann ein fyrilestur við heitinum: Børnefamilien – et dynamisk systemperspektiv I forlæsningen bliver vigtigheden af hele tiden at se familien som et komplekst relationelt system fremhævet.

Dion Sommer hevur granskað nógv í lívsverðini hjá børnum og umstøðum teirra í nútíðar samfelagnum. Seinnu árini hevur hann serliga miðsavna seg um mentan, gerandislív og teir sosialu førleikarnar hjá barninum. Hann hevur m.a. skrivað bókina Barndomspsykologi, sum kom út fyrstu ferð í 2003, og varð endurútgivin í 2008. Um ársskifti 2015 er hann aftur bókaaktuellur við bókini “Læring, dannelse og udvikling – kvalificering til fremtiden i daginstitution og skole”. Dion Sommer hevur, m.a. umvegis sínar fyrilestrar og bøkur, verið við til at skapt spennandi kjak um fakta og mýtur í okkara fatan av barninum og heimi tess. Fyrilesturin er ókeypis!